Կանադական Mobiado ընկերությունը բրիտանական հայտնի Aston Martin ավտոմեքենաների բրենդի հետ համատեղ ներակայացրել են իրենց համագործակցության արդյունքը, որն է Aston Martin Grand 350 բջջային հեռախոսը:

Այն կթողարկվի 3 գունային լուծումներով` սև, մետաքսե սև և արծաթագույն: Հեռախոսը պատրաստված է ավիաշինության մեջ օգտագործվող ալյումինից, որը պաշտպանված է հատուկ օքսիդային շերտով, որն էլ իր հերթին ավելի փափուկ և հաճելի է դարձնում հեռախոսի հետ շփման ընթացքը և առօրյա օգտագործումը: Հեռախոսի ինֆրակարմիր պատուհանը պատրաստված է սուտակի ամբողջական կտորից, կոճակները` շափյուղայից, բոլոր պտուտակները` չժանգոտվող պողպատից: Այն, բնականաբար, ունենալու է ֆոտո և տեսախցիկներ 3.2 մեգապիկսել հզորությամբ, ներկառուցված GPS, 2.36 դյույմանոց 16 միլիոն երանգներ ուեցող էկրանով, Bluetooth-ով և USB միացումով: