ԱՄՆ-ի նախագահ Բարաք Օբամայի ավտոմեքենան դրվել է աճուրդի eBay ինտերնետային կայքում: Ավտոմեքենայի այժմյա տերն արդեն իսկ նշանակել է նախնական արժեքը` 1 մլն դոլար:

Օբաման հայտնի է իր առանձնահատուկ վերաբերմունքով դեպի հզոր ավտոմեքենաները: Իր Chrysler 300C ավտոմեքենան նա ձեռք է բերել դեռևս 2004 թվականին, սակայն 3 տարի անց այն վաճառել դիլերական ընկերության միջոցով Չիկագոյից մի բնակչի, որն էլ ընթացքում պարզելով ավտոմեքենայի նախկին տիրոջ ծագումը` շտապել է կլորիկ գումար վաստակել:

Մասնագետների հավաստմամբ նմանատիպ ավտոմեքենայի արժեքը, որն ունի  5.7 լ հզորությամբ շարժիչ և 30.000 կմ վազք, չի գերազանցում անգամ 17.000 դոլար:

Ավտոմեքենայի այժմյա տերը նախընտրում է չբարձրաձայնել իր անունը` մտադիր լինելով ստանալ ավտոմեքենայի վաճառքից ոչ ավել, ոչ պակաս, քան 1 մլն. դոլար: