Kia Motors ընկերությունը հրապարակել է երրորդ սերնդի նոր Kia Certo ավտոմեքենայի առաջին պաշտոնական լուսանկարները, որի անդրանիկ ցուցադրությունը տեղի կունենա այս տարվա նոյեմբերին Լոս Անջելեսում կայանալիք ավտոսրահին:

Հիշեցնենք, որ Kia Cerato-ն որոշ երկրներում վաճառվում է նաև Forte անվան տակ: Անցյալ տարի այս ավտոմեքենան կորեական ավտոարտադրող ընկերության լավագույն վաճառվող մոդելներից է եղել` գրանցելով ավելի քան 445.000 վաճառված օրինակ: Նոր սերնդի ավտոմեքենան, ըստ արտադրողների, կունենա մոդեռն և դինամիկ դիզայն` ստեղծված Պիտեր Շրեյյերի կողմից, որի անվան հետ է կապված է Kia-ի վերջին հաջողությունները համաշխարհյային ասպարեզում: