Porsche ընկերությունը հայտնվել է Գինեսի ռեկորդների գրքում շնորհիվ մի միջոցարման, որը կայացավ Սիլվերսթոունում: Ի պատիվ հանրահայտ Porsche 911  արտադրության 50-ամյակի սպորտային ավտոմեքենայի սեփականատերերը հավաքվել էին հատուկ մրցավազք իրականացնելու համար, որոնց թիվը զարմացրեց նույնիսկ կազմակերպիչներին:
Սիլվերսթոունում հավաքվել էին բոլոր սերունդների 1208 հատ Porsche 911` ինչպես դասական օրինակները, այնպես էլ ամենավերջին արտադրության մեդելները:
Միջոցառմանն իր մասնակցությունն ունեցավ նաև Մարկ Պորշեն` առաջին Porsche 911-ի ինժեների` Ֆերդինանդ Պորշեի, որդին:  Հիշեցնենք, որ Porsche 911 սպորտային ավտոմեքենաների առաջին սերունդը ներկայացվել է Ֆրանկֆուրտի ավտոսրահում  դեռևս 1963 թ., իսկ վերջին` յոթերորդ սերունդը, արտադրվել է սկսած 2011 թ.:
911-ը համարվում է երբևէ ամենահաջողված  սպորտային ավտոմեքենաներից մեկը: 50 տարի անընդմեջ արտադրությունից դուրս չգալով` ավելի քան 820.000 օրինակ նմանատիպ մեքենա է վաճառվել: